Wednesday 26 December, 2012
Sunday 25 November, 2012
ആം ആദ്മിയും ആര്ഷ ഭാരതവും പിന്നെ കുറേ പാര്ട്ടികളും
നൂഡില്‍സ് ഉണ്ടാക്കുന്ന ലാഘവത്തോടെയാണ് ആളുകളിപ്പോള്‍ രാഷ്ട്രീയ പാര്ട്ടിയുണ്ടാക്കുന്നത്. പല പാര്‍ട്ടികളുടെയും വാര്‍ഷികം കൊണ്ടാടുമ്പോഴാണ്‌ അതെന്തിനാണ് പിറവിയെടുത്തത് എന്ന് സ്ഥാപിച്ചവര്‍ക്കു തന്നെ ബോധ്യപ്പെടാറുള്ളത്. അങ്ങിനെയും ബോധ്യം വരാതെ അകാലത്തില്‍ മൃതിയടഞ്ഞു പോയവയും ഉണ്ട് കുറേയെണ്ണം. എന്നാല്‍ ആം ആദ്മിയുടെ (ഇസ്പേഡ് ഏഴാം കൂലികള്‍) അവസാന അത്താണിയായ അരവിന്ദ് കെജ്രിവാളും കൂട്ടരും പാര്ട്ടിയുണ്ടാക്കിയിരിക്കുന്നത് ലക്ഷ്യങ്ങളൊന്നും ഇല്ലാതെയല്ല. ഇന്ത്യയെ അഴിമതി മുക്ത രാജ്യമാക്കി കുളിപ്പിച്ചു കിടത്തുക എന്ന 'ഒരിക്കലും നടക്കാത്ത സ്വപ്നം' കണ്‍കുളിര്‍ക്കെ പുലര്‍ന്നു കാണുവാനാണ് അദ്ദേഹം ഒരുമ്പെട്ടിറങ്ങിയിരിക്കുന്നത്. അല്ലാതെ സത്യമായിട്ടും വേറെ ദുരാഗ്രഹങ്ങളൊന്നും (പാര്‍ലമെന്ററി വ്യാമോഹം എന്ന് പച്ച മലയാളം) ആം ആദ്മിക്കാരനില്ല..Tuesday 20 November, 2012
സുഹൃത്തേ, ഇവിടെയുമുണ്ട് കുറേ മലാലമാര്
ഞാനിതെഴുതുമ്പോഴും ഗസ്സയിലെ കുഞ്ഞുങ്ങള്‍ പേടിയോടെ മേല്‍ക്കൂരകള്‍ക്ക് മീതെ കണ്ണും നട്ടിരിക്കുകയാണ്. ഏതു നിമിഷവും തങ്ങളുടെ നേര്‍ക്ക് വരാനിടയുള്ള ഷെല്ലിന്റെ ഇരമ്പലുകള്‍ക്ക് കാതോര്‍ത്തു കൊണ്ട്..! തലക്കു മുകളില്‍ മരണം തത്തിക്കളിക്കുകയെന്നത് നമുക്കൊന്നും ചിന്തിക്കാവുന്ന കാര്യമല്ല. പക്ഷെ തലമുറകളായി ഫലസ്തീനിലെ കുഞ്ഞുങ്ങളുടെ വിധി അതാണ്‌. യുദ്ധത്തിന്റെ കെടുതികളും അതിന്റെ ഭയാനതകളും കേട്ടും വായിച്ചും മാത്രം വളര്‍ന്ന നമുക്ക് അതിന്റെ വേദന എത്രത്തോളം തീവ്രമാണെന്ന് അനുഭവപ്പെടുക സാധ്യമല്ല. ചുണ്ടില്‍ ഒരു കാട്ടാളച്ചിരിയുമായി പിഞ്ചു പൈതലിന്റെ തലയോട്ടിക്ക് മീതെ തോക്കിന്‍ കുഴല്‍ വെക്കുന്ന വന്യത സിനിമകളിലെ വെളിച്ച വിന്യാസത്തിലൂടെയുള്ള പേടിപ്പെടുത്തലില്‍ മാത്രമേ നാം കണ്ടു ശീലിച്ചിട്ടുള്ളൂ. പുറത്തേക്കു ചിതറിത്തെറിച്ച തലച്ചോറും പാതി വെന്ത ശരീരവുമായി തന്റെ മടിയില്‍ക്കിടക്കുന്ന പൊന്നോമനയെ, അവന്റെ കുസൃതികളെ ഓര്‍മിച്ചു കരയുന്ന അമ്മമാരുടെ ചിത്രം നമ്മുടെ മനസ്സില്‍ ഒരു ചലനവും സൃഷ്ടിക്കുന്നില്ല. കുഞ്ഞുങ്ങളുടെ രക്തക്കറ പുരണ്ട ചിത്രങ്ങള്‍ ഷെയര്‍ ചെയ്ത് നാം അവരോടു ഐക്യദാര്‍ഡ്യം പ്രകടിപ്പിക്കുകയാണോ അല്ലെങ്കില്‍ അതോരാഘോഷമാക്കുകയാണോ സത്യത്തില്‍ ചെയ്യുന്നത്?Tuesday 13 November, 2012
മന്ത്രിയുടെ മനോവിഭ്രാന്തി അഥവാ പ്രവാസിയുടെ തലവിധി!
അരിയും തിന്നു ആശാരിച്ചിയേയും കടിച്ചു പിന്നെയും മന്ത്രിക്ക് കലിപ്പ് തീരണില്ലെന്ന് പറഞ്ഞത് പോലെയാണ് കഴിഞ്ഞ ദിവസത്തെ സംഭവ വികാസങ്ങള്‍. സോഷ്യല്‍ മീഡിയയിലുന്നയിച്ച പ്രശ്നങ്ങളെക്കുറിച്ച് ആരാഞ്ഞ മാധ്യമ പ്രവര്‍ത്തകര്‍ക്ക് നേരെ സന്തോഷ്‌ പണ്ഡിറ്റിനെ അനുസ്മരിപ്പിക്കും വിധമുള്ള പ്രകടനമായിരുന്നു നമ്മുടെ മന്ത്രിയദ്ദേഹം നടത്തിക്കളഞ്ഞത്. ആ ഭാവാഭിനയമാണിപ്പോള്‍ ഫെയ്സ്ബുക്കിലെ ലീഡിംഗ് വീഡിയോ എന്നറിയുമ്പോള്‍ എത്രമാത്രം ജനങ്ങള്‍ അങ്ങേരെ ‘ഇഷ്ട’പ്പെടുന്നുണ്ടെന്ന് ഊഹിക്കാം.Wednesday 7 November, 2012
'മാറ്റ'മില്ലാതെ വീണ്ടും!
Monday 5 November, 2012
പ്രിയപ്പെട്ട രവിയേട്ടന്...സ്നേഹപൂര്‍വ്വം മല്ലൂസ്
Friday 26 October, 2012
ഓര്‍മയുടെ ഈദിന്‍ വിളി..
അതെ, ഓര്‍മയുടെ ആഘോഷ ദിനമാണ് പെരുന്നാളുകള്‍. തിന്മയുടെയും സ്വാര്‍ഥതയുടെയും
കയങ്ങളില്‍ വീണു പോയവരെ നന്മയുടെ സുന്ദര തീരങ്ങലിലേക്ക്, അതിന്റെ നനുത്ത ഓര്‍മകളിലേക്ക്
നയിക്കുന്ന സുദിനങ്ങളാണ് ഈദിന്റെ പകലുകള്‍. ഒരിക്കല്‍ കൂടി പെരുന്നാള്‍
സമാഗതമാവുന്നു. യുഗങ്ങള്‍ നീണ്ട മരുമണല്‍ക്കാറ്റ്‌ മറമാടിയ സത്യദൈവ തിരുഗേഹത്തെ മാനവ
കുലത്തിനു സമര്‍പ്പിച്ച ആദര്‍ശ പിതാവ്‌ ഇബ്രാഹീമിന്റെയും കുടുംബത്തിന്റെയും
ത്യാഗോജ്ജ്വല ജീവിതങ്ങള്‍ ഓര്‍മപ്പെടുത്തിക്കൊണ്ട്. സത്യവിശ്വാസികള്‍ക്ക് ആനന്ദത്തിന്റെയും
അതിലുപരി ഭക്തിയുടെയും ഒരായിരം ഓര്മ വിളക്കുകളുമായി..
നാഥന്‍റെ വിളിക്കുത്തരമേകിക്കൊണ്ട് ജനലക്ഷങ്ങള്‍ അങ്ങകലെ അറഫാ മൈതാനിയില്‍
ഒരുമിച്ചു കൂടിയിരിക്കുന്നു, തങ്ങളെത്തന്നെ നാഥന് സമര്‍പ്പിച്ചു കൊണ്ട്. അതു
കൊണ്ടായിരിക്കണം ജീവിതത്തിന്റെ വിട പറയല്‍ ഹജ്ജോടെയായിരിക്കണേയെന്ന് അധിക പേരും
ആശിച്ചു പോകുന്നത്.
Thursday 11 October, 2012
ദേശീയ പുതിയാപ്പിളയും വിറകു വെട്ടുകാരും
തലശ്ശേരിയില്‍ പണ്ടൊരു ഹാജ്യാര്‍ ഉണ്ടായിരുന്നു. പടച്ചോന്റെ കൃപ കൊണ്ട് ഹാജ്യാര്‍ക്കും ഭാര്യ സൈനബത്താത്താക്കും കൂടി മക്കള്‍ ആറെണ്ണം. ഹാജ്യാര്‍-സൈനബ
പ്രോഡക്ഷന്‍സിന്റെ ലാസ്റ്റ് എപ്പിസോഡായ മുംതാസിന് പുതിയാപ്പിള ഒത്തു വന്നത് പൊന്നാനിയില്‍ നിന്നും. സൂക്ഷിച്ചു നോക്കിയാല്‍ മുംതാസിന് കോങ്കണ്ണുണ്ടെന്നും അതല്ല ഹാജ്യാരുടെ ബാലന്‍സ്‌ ഷീറ്റില്‍ അക്കത്തിന്റെ വലതു ഭാഗത്തുള്ള പൂജ്യങ്ങള്‍ ഇടതു ഭാഗത്തേക്ക് കൂറ് മാറിയതാണ് രണ്ടാം കെട്ടുകാരനായ പൊന്നാനിക്കാരന്‍ ഷുക്കൂറിനെ പുതിയാപ്പിളയാക്കിയെടുക്കാന്‍ കാരണമെന്നുമുള്ള രണ്ടു പരദൂഷണങ്ങള്‍ നിലവിലുണ്ട്. അതില്‍ ഏതു വേണമെങ്കിലും നിങ്ങള്‍ക്കെടുക്കാം. ഞങ്ങള്‍ വടക്കേ മലബാറുകാര്‍ ഭാര്യ വീട്ടില്‍ പരമസുഖം തിയറി വര്‍ഷങ്ങളായി പ്രാക്ടീസ് ചെയ്തു വരുന്നവരാണ്. പക്ഷേ നമ്മുടെ ഹാജ്യാരുടെ പുതിയാപ്പിള ഷുക്കൂര്‍ ജീവിതത്തില്‍ ആദ്യമായിട്ടാണ് ഇങ്ങിനെ ഒരു സമ്പ്രദായത്തെക്കുറിച്ച് അറിയുന്നതും അനുഭവിക്കുന്നതും. ചെയ്യാത്തവന്‍ ചെയ്‌താല്‍ അത് കൊണ്ടാറാട്ട് എന്ന് പറഞ്ഞതു പോലെയായി ഷുക്കൂറിന്റെ കാര്യം. ആദ്യമാദ്യം നാട്ടുകാരന്‍ പുതിയാപ്പിളയെപ്പോലെ കുളിച്ചു കുട്ടിക്കൂറ പൌഡറുമിട്ട് കുട്ടപ്പനായി സന്ധ്യമയങ്ങുന്ന നേരം ഭര്‍ത്താവുദ്യോഗത്തിനെത്തിയിരുന്ന ഷുക്കൂര്‍, പിന്നെപ്പിന്നെ നാട്ടില്‍ പോകല്‍ ആഴ്ചയിലൊരിക്കലാക്കി. അതും പരിഷ്കരിച്ച് മാസത്തിലൊന്ന്-ഒടുക്കം ഭാര്യ വീട്ടില്‍ നിന്നിറങ്ങാതെയുമായി എന്ന നില വന്നപ്പോഴാണ് ഹാജ്യാര്‍ക്ക് കാര്യങ്ങളുടെ ഒരു എര്‍ത്ത്‌ പിടി കിട്ടുന്നത്. മരുമോന് അപ്പങ്ങളെമ്പാടും ഉണ്ടാക്കി വട്ടാകുന്നതിനു മുമ്പ്‌ തന്നെ സൈനബത്താത്ത ദുനിയാവീന്നുള്ള വണ്ടി വിട്ടു. ഭാര്യ വീട്ടില്‍ ചിലവിനു കൊടുക്കല്‍ എന്ന സമ്പ്രദായത്തെക്കുറിച്ച് കേട്ടറിവ് പോലുമില്ലാതിരുന്ന ഷുക്കൂറിന്റെ മുമ്പില്‍ ഹാജ്യാര്‍, അങ്ങാടി നിലവാരത്തെക്കുറിച്ചും അയക്കൂറ
വിലയുടെ
അയവില്ലാത്ത കുതിപ്പിനെക്കുറിച്ചും സ്റ്റോക്ക് മാര്‍ക്കറ്റ് വിദഗ്ദനെപ്പോലെ മോണോ ആക്ടുകള്‍ അവതരിപ്പിച്ചു കൊണ്ടേയിരുന്നു. പോരാത്തതിന് പുതിയാപ്പിളയുടെ ഫേവറിറ്റ് ‘ചന്ദ്രിക’ക്ക് പുറമേ വിലനിലവാരം വലിയ അക്ഷരത്തില്‍ കൊടുക്കുന്ന ‘മാതൃഭൂമി’യും ഒരു മാസത്തേക്കിടാന്‍ ഏജന്റ് ചന്ദ്രപ്പനെ ഹാജ്യാര്‍ ചട്ടം കെട്ടി. പക്ഷേ, ഐ. എന്‍. എല്‍ മുസ്ലിം ലീഗില്‍ ലയിക്കേണ്ടതിന്റെ ആവശ്യകതയും കോഴിക്കോട് സമ്മേളനത്തിലെ വൈറ്റ്‌ഗാര്‍ഡുമാര്‍ക്ക്‌ വിതരണം ചെയ്ത ബിരിയാണിയുടെ രുചിയുമല്ലാതെ പത്രങ്ങള്‍ മറ്റൊന്നും ശുക്കൂറിനെ പഠിപ്പിച്ചില്ല. കാര്യങ്ങള്‍ മുംതാസിന്റെ തലയില്‍ ‘കത്താ’ന്‍ പിന്നെയും കുറെ ദിവസങ്ങളെടുത്തു. ഒടുക്കം ഊണിനുള്ള അരി വാങ്ങിക്കൊണ്ടു
വരാന്‍ മുംതാസ് തന്നെ സഞ്ചിയെടുത്ത്
ഷുക്കൂറിന്റെ കയ്യില്‍ വെച്ച് കൊടുക്കേണ്ടി വന്നു. അന്നാണ്
ഷുക്കൂര്‍ ആ ഹോട്ടല്‍ കണ്ടു പിടിച്ചത്‌. ചന്ദ്രവിലാസം ഹോട്ടലില്‍ അങ്ങിനെ ഷുക്കൂര്‍ പറ്റുകാരനായി. ചന്ദ്ര വിലാസത്തിലെ രാമേട്ടനെ സംബന്ധിച്ചേടത്തോളം അദ്ദേഹത്തിന്റെ ഉറ്റ ചങ്ങാതി ഹാജ്യാരുടെ പുതിയാപ്പിളയാണ് ഷുക്കൂര്‍. കാശ് ഒത്തിരിയുള്ള ഹാജ്യാരുടെ പുതിയാപ്പിളയോട് പറ്റുകാശ് രാമേട്ടന്‍ ചോദിച്ചതുമില്ല.
ഷുക്കൂറാകട്ടെ ഇതു തന്നെ തഞ്ചം എന്ന നിലക്ക് കൊടുത്തതുമില്ല. എല്ലാം ഹാജ്യാരില്‍ അര്‍പ്പിച്ച് രാമേട്ടന്‍
ഷുക്കൂറിന് വിളമ്പിക്കൊണ്ടേയിരുന്നു. ഒന്നര വര്‍ഷത്തിനു ശേഷം പന്ത്രണ്ടായിരത്തി അഞ്ഞൂറ് രൂപയുടെ പറ്റുകാശ് കണ്ട ഹാജ്യാര്‍ ഞെട്ടിയതും ആംബുലന്‍സ്‌ വിളിക്കാന്‍ രാമേട്ടന്‍ ഓടിയതും കഥാന്ത്യം.ഹാജ്യാരുടെയും പുതിയാപ്പിളയുടെയും കഥ ഇവിടെ ഓര്‍ക്കാനൊരു കാരണമുണ്ട്. നമ്മുടെ ദേശീയ പുതിയാപ്പിളയായ റോബര്‍ട്ട് വദ്ര‍യ്ക്കെതിരെ അഴിമതിയാരോപണം നടത്തിയിരിക്കുകയാണ് കുറെ 'മാങ്ങാ'ത്തലയന്മാര്‍. അഭിനവ ഗാന്ധിയുടെ ശിഷ്യന്‍ പുതിയ പാര്‍ട്ടിയുമായി ഇറങ്ങിത്തിരിച്ചപ്പോ തന്നെ കരുതിയതാണ് മാങ്ങക്കാരുടെ ആദ്യത്തെ ഏറ് No 10 ജനപഥിലോട്ടായിരിക്കുമെന്ന്. മകനെയും അമ്മായിയെയുമൊക്കെ വിട്ട് മരുമോന്റെ പിന്നാലെയാണ് അഴിമതിയുടെ അന്തകന്മാര്‍ എന്ന പട്ടവും പാര്‍ട്ടിയുമായി ഇറങ്ങിത്തിരിച്ചിക്കുന്നവര്‍. വെള്ളിയാഴ്ച പച്ചക്കറി വാങ്ങാന്‍ പോകുന്നത് തെറ്റാണോ എന്നു പണ്ടൊരാള്‍ ചോദിച്ചത് പോലെയേ മരുമോനും ചോദിച്ചിട്ടുള്ളൂ. ഡല്‍ഹിയിലോ ഹരിയാനയിലോ കുറച്ചു ഭൂമി വാങ്ങിപ്പോയത് ഒരു കുറ്റമാണെന്നറിയാന്‍ മാത്രം പത്രം വായിക്കുന്ന കൂട്ടത്തിലല്ലത്രേ അദ്ദേഹം. ഐ. പി. എല്‍ കളി ടിവി യില്‍ കാണുമ്പോള്‍ ഡി.എല്‍.എഫ് എന്നെഴുതിക്കാണിക്കുന്നത് വായിച്ചിട്ടുണ്ടെന്നല്ലാതെ മൂക്കിപ്പൊടിയാണോ അതല്ല റസ്കിന്റെ കച്ചോടമാണോ അവര്‍ നടത്തുന്നതെന്നു പോലും റോബര്‍ട്ട് പുതിയാപ്പിളക്കറിയത്തില്ല. അല്ലേലും കളിമണ്ണ് ചുമന്നുള്ള കളിയായാലും ബാറ്റും ബോളും കൊണ്ടുള്ളതായാലും കളികളെല്ലാം അമ്പതിനോടടുത്ത് പ്രായമുള്ള യുവ അളിയനു പറഞ്ഞിട്ടുള്ളതാണ്‌. സംശയമുള്ളവര്‍ യു. പി യിലെ കര്ഷകരോട് ചോദിച്ചാല്‍ മതി.
കാര്യം കാതലില്ലാത്തവന് പറഞ്ഞാലും നമ്മള്‍ അംഗീകരിച്ചു കൊടുക്കണമെന്നാണ് പഴമക്കാര്‍ പറയാറുള്ളത്. കഥയിലെ രാമേട്ടന്‍ ഹാജ്യാരെ മനസ്സില്‍ കണ്ടു പുതിയാപ്പിള ഷുക്കൂറിന് പറ്റുപുസ്തകം തുടങ്ങിയത് പോലെയാണ് ഡി. എല്‍. എഫ് മുതലാളിമാര്‍ വദ്ര പുതിയാപ്പിളയ്ക്ക് 350 കോടിയോ മറ്റോ ലോണ്‍ കൊടുത്തത് പോല്. ആരോപണം ആര്‍ക്കും ഉന്നയിക്കാം. പക്ഷെ അത് തെളിയിക്കാനുള്ള ബാധ്യത ആരോപണം ഉന്നയിക്കുന്നവര്ക്കുണ്ട്. ആരോപിതനെയല്ല; ചിദംബരം സാറിനെയാണ് ആരോപണം ബോധ്യപ്പെടുത്തേണ്ടത്. ശുദ്ധ ഗതിക്കാരനായത് കൊണ്ടാകാം ടു.ജിക്കാരന്‍ എ. രാജ വരെ അങ്ങേര്‍ക്കു പഞ്ച പാവമായിരുന്നു. പിന്നെയാണോ മാഡത്തിന്റെ മരുമോന്?
ലാസ്റ്റ് ബോള്‍: ബലാത്സംഗം തടയാന്‍ ബാലവിവാഹം - വാര്‍ത്ത.
വയറിളകി വരുന്നവന് ആവണക്കെണ്ണ കൊടുക്കരുത്!
